ترک ڈرامہ سیریز ’ارطغرل غازی‘ کے مرکزی کردار انگین آلتان نے پاکستانیوں کا شکریہ ادا کر دیا۔

تفصیلات کے مطابق ترک اداکار انگین آلتان نے اپنے تصدیق شدہ انسٹاگرام اکاؤنٹ پر جاری اسٹوریز میں پاکستانیوں کا شکریہ ادا کیا۔

مزید پڑھیں

تُرک اداکار انگین آلتان فوٹو گرافر بن گئے

تُرک سیریز ’ارطغرل غازی‘ میں ’ارطغرل‘ کا مرکزی کردار ادا کرنے والے...

انگین آلتان نے ایک اسٹوری میں پھولوں کے گلدستے کی تصویر شیئر کرتے ہوئے پرجوش استقبال پر پاکستانیوں کا شکریہ ادا کیا۔

جبکہ اداکار نے علامہ اقبال کو خراج عقیدت پیش کرتے ہوئے اُن کے مزار کی تصویر بھی شیئر کی۔

یاد رہے کہ دو روزہ پاکستانی دورے پر آئے ترک اداکار انگین آلتان نے بادشاہی مسجد لاہور کا دورہ کیا تھا۔

انگین التان دوزیتان نے اردو زبان میں بھی کچھ الفاظ ادا کیے تھے، انہوں نے کہا تھا کہ مجھے ’شکریہ‘ کہنا آتا ہے، اور انہوں نے ’لاہور لاہور اے‘ بھی کہا تھا۔

انگین آلتان نے شاعرِ مشرق علامہ محمد اقبال کے مزار پر حاضری بھی دی۔

تاہم اس موقع پر تاریخی مسجد کے خطیب مولانا عبد الخبیر آزاد بھی موجود تھے۔

دوسری جانب اداکار نے لاہور میں پریس کانفرنس کی تھی اور بتایا تھا کہ وہ چوہدری ٹیکسٹائل کے برانڈ ایمبیسڈر بنے ہیں۔

واضح رہے کہ  انگین آلتان ؤ نے ارطغرل غازی کو پسند کرنے پر وزیرِ اعظم  عمران خان اور پاکستانی عوام کا شکریہ بھی ادا کیا تھا۔