مشیر تجارت عبدالرزاق داؤد نے کہا ہے کہ نومبر 2020 میں گزشتہ سال کے مقابلے میں گھریلو ٹیکسٹائل کی برآمدات میں 20 فیصد اضافہ ہوا۔

تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ایک پیغام میں کہا کہ فارما سوٹیکل مصنوعات کی برآمدات میں 20 فیصد اور چاول کی برآمدات میں 14 فیصد اضافہ ہوا۔

I am glad to share that in the provisional figures for Nov 2020, significant growth has been seen in the exports of Home Textiles (20%), Pharmaceutical products (20%), Rice (14%), Surgical Goods (11%), Stockings & Socks (41%), Jerseys & Pullovers (21%)…1/2

— Abdul Razak Dawood (@razak_dawood) December 3, 2020

اپنے پیغام میں مشیر تجارت عبدالرزاق داؤد نے کہا کہ سرجیکل آلات کی  برآمدات میں 11 فیصد کا نمایاں اضافہ دیکھا گیا ہے، جرابیں 41 فیصد جرسی اور پل آور کی برآمدات میں 21 فیصد کا اضافہ ہوا۔

مشیر تجارت عبدالرزاق داؤد نے مزید کہا کہ خواتین کے لباس کی برآمدات میں 11 فیصد اور مردوں کے لباس میں 4.3 فیصد اضافہ ہوا اور یہ رجحان ویلیو ایڈڈ برآمدات کو فروغ دینے کی ہماری پالیسی کے مطابق ہے۔