کرکٹ لیجنڈز وسیم اکرم اور شاہد آفریدی کو بلوچستان کے وزیرِاعلیٰ جام کمال خان نے کوئٹہ آنے کی دعوت دے دی۔

تفصیلات کے مطابق وزیرِ اعلیٰ ہاؤس سے جاری بیان کے مطابق وزیرِ اعلیٰ بلوچستان جام کمال نے انضمام الحق اور شعیب اختر کو بھی کوئٹہ آنے کی دعوت دی ہے۔

مزید پڑھیں

لنکا پریمیئر لیگ میں شاہد خان آفریدی کی دھواں دار بیٹنگ

لنکا پریمیئر لیگ کے دوسرے میچ میں گال گلیڈی ایٹرز کے کپتان...

وزیرِاعلیٰ بلوچستان جام کمال خان کا کہنا ہے کہ کرکٹ لیجنڈز کے کوئٹہ کے دورے سے یہاں موجود شائقینِ کرکٹ بہت خوش ہوں گے۔

جام کمال خان نے یہ بھی کہا ہے کہ اس طرح ہمیں اپنے ہیروز کی میزبانی کرنے کا اعزاز حاصل ہو گا۔

یاد رہے کہ وزیرِاعلیٰ بلوچستان جام کمال خان نے کرکٹ لیجنڈز کو بلوچستان میں کرکٹ اکیڈمی بنانے کی پیشکش کی تھی۔

واضح رہے کہ وسیم اکرم کی جانب سے پیش کش قبول کرنے پر وزیرِاعلیٰ بلوچستان جام کمال خان کی جانب سے اظہارِ مسرت کیا گیا ہے۔