رواں سال جاری کی جانے والی ایشیا کے 50 مقبول فنکاروں کی فہرست جاری کر دی گئی ہے۔

غیرع ملکی خبر رساں ادارے کے مطابق 50 مقبول فنکاروں کی فہرست میں 4 نامور پاکستانی فنکار بھی اپنی جگہ بنانے میں کامیاب رہے۔

مزید پڑھیں

پاکستانیوں نے2020  میں سب سے زیادہ کس کمپنی کے موبائل کو سرچ کیا؟

گوگل کی جانب سے پاکستان میں سب سے زیادہ کس کمپنی کے...

جاری کردہ اس فہرست میں ایشیا کے اُن 50 فنکاروں کو شامل کیا گیا ہے جنہوں نے گزشتہ 12 ماہ کے دوران اپنے اچھے کاموں سے لوگوں کا متاثر کیا اور معاشرے پر مثبت اثرات مرتب کیے۔

پاکستان شوبز انڈسٹڑی سے تعلق رکھنے والے فنکاروں میں 4 پاکستانی فنکاروں کا نام شامل کیا گیا ہے، جس میں ثروت گیلانی، بلال عباس، علی ظفر اور شرمین عبید شامل ہیں۔

بلال عباس:

شوبز انڈسٹری کے نوجوان اداکار بلال عباس خان کا نام فہرست میں 28 ویں نمبر پر موجود ہے۔

بلال عباس خان نے رواں سال متعدد ڈراموں میں حیرت انگیز اداکاری کرکے بہت تیزی سے مقبولیت سمیٹی۔

ثروت گیلانی:

اس فہرست میں ویب سیریز ’چڑیلز‘ کی اداکارہ ثروت گیلانی 21ویں نمبر پر ہیں۔

ثروت گیلانی نے فیمنسٹ آئیکن کی حیثیت سے اپنی پوزیشن مستحکم کی۔

علاوہ ازیں اُنہوں نے ویب سیریز ’چڑیلز‘ میں بہترین کارکردگی کا مظاہرہ کرتے ہوئے پاکستان میں ٹی وی پر دکھائے جانے والے مواد کے لیے نئے دروازے بھی کھولے ہیں۔

شرمین عبید :

آسکر ایوارڈ یافتہ ہدایت کارہ شرمین عبید چنائے اس فہرست میں 49 ویں نمبر پر ہیں۔

شرمین عبید چنائے نے سال 2020 میں سماجی مسائل سے متعلق شعور اجاگر کرنے میں اہم کردار ادا کیا۔

وہ نئے ٹیلنٹ کو سامنے لائیں اور اپنے کام سے بین الاقوامی توجہ حاصل کرنے میں کامیاب رہیں۔

علی ظفر:

گلوکار و اداکار علی ظفر ایسٹرن آئی کی جانب سے مرتب کی جانے والی فہرست میں 39 ویں نمبر پر ہیں۔

علی ظفر نے رواں سال پاکستان سپر لیگ کو پی ایس ایل کے آفیشل گانے سے زیادہ بہتر گانا دیا۔

اس کے علاوہ علی ظفر نے مختلف پراجیکٹس کے ذریعے رواں سال نئے ٹیلنٹ کی حوصلہ افزائی بھی کی۔