وزیراعلی بلوچستان جام کمال خان نے کہا ہے کہ سیاحت، کلچر اور آرٹ کو فروغ دینے سے صوبے کا مثبت عکس اجاگر ہوگا۔

تفصیلات کے مطابق وزیراعلی بلوچستان جام کمال خان کی زیر صدارت سیاحت اور کلچر کے فروغ، آثار قدیمہ اور اس سے متعلق ترقیاتی سکیموں کا جائزہ اجلاس ہوا جس میں گڈانی، کنڈملیر،اورماڑہ،پسنی اور گوادر میں بیچ ماڈل پارکس کے قیام سے متعلق بریفنگ دی گئی۔

اجلاس کو بریفنگ کے دوران کہا گیا کہ صوبے میں سیاحت کے فروغ کے لیے ماسٹر پلاننگ کی جا رہی ہے جبکہ ساحلی علاقوں کے سات مقامات پر   ایکو ٹورسٹ ریزورٹ کے منصوبوں پر پیشرفت جاری ہے۔

سیکریٹری کلچر نے 50 ملین روپے کی لاگت سے سیاحت کے فروغ کے لیے فزیبلٹی سٹڈی اور کلچرل کمپلیکسز کی تعمیر کے حوالے سے بریفنگ دیتے ہوئے کہا گیا کہ زیارت اور وادی شعبان کی ماسٹر پلاننگ کی جا رہی ہے۔

اجلاس کی صدارت کرتے ہوئے وزیراعلی بلوچستان جام کمال خان نے کہا کہ سیاحت کو بھرپور انداز میں اجاگر  کرنے کے لئے اسے کمپنی موڈ کے طرز پر چلانے کے لیے اقدامات کئے جائے جبکہ ٹورزم کو فروغ دینے کے لیے ڈویژنل سطح پر دفاتر قائم کیے جائے۔

وزیراعلی بلوچستان ام کمال خان نے ہدایت دی کہ بڑی شاہراہوں پرسیاحتی معلومات سے متعلق بورڈز نصب کیے جائے جبکہ ریسٹ ہاؤسز اور ہوٹلز کی رجسٹریشن اور لائسنسنگ کی جائے

جام کمال خان نے یہ بھی کہا کہ صوبے کی ثقافت کو اجاگر کرنے کے لئے کلچرل سوئینرز کے رجحان کو فروغ دیا جائے جبکہ بلوچستان میں آرٹ سے متعلق مختلف شعبوں کے مقابلوں کا انعقاد کیا جائے۔

وزیراعلی بلوچستان جام کمال خان نے مزید کہا کہ صوبے میں سیاحت کے فروغ اور آثار قدیمہ کے تحفظ کے لیے اقدامات کیے جا رہے ہیں۔

اجلاس میں صوبائی مشیر عبدالخالق ہزارہ،چیف سیکرٹری بلوچستان کیپٹن ریٹائرڈ فضیل اصغر، ایڈیشنل چیف سیکریٹری منصوبہ بندی و ترقیات عبدالصبور کاکڑ اور سیکریٹری کلچر سمیت دیگر متعلقہ حکام نے شرکت کی۔