شمالی وزرستان کے علاقے میرالی میں دہشت گردوں کے حملے سے پاک فوج کے 1 سپاہی شہید جبکہ 7 زخمی ہوگئے ہیں۔

پاک فوج کے شعبہ تعلقات عامہ (آئی ایس پی آر) کے مطابق شمالی وزرستان کے علاقے میرالی میں رات گئے سیکیورٹی فورسز کے قافلے پر دہشت گردوں نے حملہ کیا۔

اپنے بیان میں ترجمان آئی ایس پی آر کا کہنا ہے کہ دہشت گردوں کے ساتھ فائرنگ کے تبادلہ میں پاک فوج کے 1 سپاہی نائک یٰسین شہید ہوگئے جبکہ 7 زخمی ہوگئے۔

ترجمان آئی ایس پی آر کا یہ بھی کہنا ہے کہ شہید ہونے والے 34 سالہ نائک یٰسین کا تعلق ملاکنڈ سے ہے ۔

ترجمان آئی ایس پی آر کا مزید کہنا ہے کہ سکیورٹی فورسز نے فوری جوابی کارروائی کی ، فائرنگ کے تبادلے میں 2 دہشتگرد ہلاک اور 10 زخمی ہوگئے۔