پاکستان شوبز انڈسٹری کی نامور اداکارہ مومل شیخ نے اپنی شادی کی سالگرہ منا لی۔

اداکارہ مومل شیخ کی شادی کو 10 سال مکمل ہو چکے ہیں جس کا جشن انہوں نے شاندار طریقے سے منایا۔

مزید پڑھیں

اداکارہ مومل شیخ نے اپنے والد کو کیا قرار دیا؟

پاکستان کی نامور اداکارہ مومل شیخ نے اپنے والد جاوید شیخ کو...

مومل شیخ نے فوٹو اینڈ ویڈیو شیئرنگ ایپ پر ایک تصویر پوسٹ کی جس میں اداکارہ نے اپنے شوہر کے لیے ایک محبت بھرا پیغام بھی جاری کیا ہے۔

شادی کی سالگرہ پر مومل شیخ اور ان کے شوہر نے سیاہ رنگ کی تھیم کو  مدّ نظر رکھتے ہوئے اس مناسبت سے کالے رنگ کے لباس  زیب تن کیے ۔

 اداکارہ نے اپنے گھر کو کالے اور سنہری رنگ کے غباروں اور دیگر اشیاء کی مدد سےسجایا ہوا ہے۔

مومل شیخ نے تصاویر شیئر کرتے ہوئے ساتھ ہی کیپشن لکھا کہ ایک زمانے کی بات ہے جب میں آپ کی ہوگئی اور آپ میرے بن گئے اور پھر ہم ہر خوشی اور ہر غم میں ایک ساتھ رہنے لگے، کیونکہ اسی کو لوگ خوشی خوشی ساتھ رہنا کہتے ہیں۔

اداکارہ نے مزید لکھا کہ شادی کی 10 ویں سالگرہ آپ کو بہت مبارک ہو، میں آپ سے ہمیشہ ہمیشہ اور ہمیشہ بہت محبت کرتی رہوں گی۔

اداکارہ نے اپنے انسٹاگرام اکاؤنٹ پر یہ پوسٹ 11 گھنٹے قبل شیئر کی تھی جسے اب تک ہزاروں مداح لائیک کرچکے ہیں۔

ایک اریج طاہر خان نامی خاتون صارف نے مومل کی اس پوسٹ پر کمنٹ کرتے ہوئے لکھا کہ ‘میرے سب سے زیادہ فیورٹ جوڑے کو شادی کی سالگرہ مبارک ہو۔‘

واضح رہے کہ رواں سال 20 اگست کو مومل شیخ اور نادر نواز کے ہاں بیٹی کی پیدائش ہوئی تھی، جس کا نام انہوں نے ’علیہا نادر نواز‘ رکھا تھا۔