چین پاکستان اقتصادی راہداری (سی پیک) اتھارٹی کے چیئرمین اور لیفٹیننٹ جنرل (ریٹائرڈ) عاصم سلیم باجوہ کا کہنا ہے کہ ہماری دعائیں شہید سپاہیوں کے ساتھ ہیں۔

سماجی رابطے کی ویب سائٹ ٹوئٹر پر دہشت گرد حملے میں ایف سی بلوچستان کی شہادتوں پر ٹویٹ کرتے ہوئے عاصم سلیم باجوہ کا کہنا تھا کہ ہماری دعائیں شہیدسپاہیوں کے ساتھ ہیں، امن کے لیئے عظیم قربانی کو ہمیشہ یاد رکھا جائے گا۔

Saddened, Our prayers for the martyred soldiers. Their supreme sacrifice for lasting peace will be remembered for ever. These coward terrorists despite their backers, won’t find space to hide. https://www.bolnews.com/urdu/latest/2020/12/976257/amp/

— Asim Saleem Bajwa (@AsimSBajwa) December 27, 2020

اپنے پیغام میں عاصم سلیم باجوہ کا مزید کہنا تھا کہ دہشت گردوں کو اپنے پشت پناہوں کے باوجود کہیں چھپنے کی جگہ نہیں ملے گی۔

واضح رہے کہ بلوچستان میں بزدلانہ کارروائی کرتے ہوئے ملک دشمن عناصر نے ایف سی کے سات جوانوں کو شہید کردیا ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے کے مطابق گزشتہ رات دہشتگردوں نے بلوچستان کے علاقے ہرنائی میں ایف سی چیک پوسٹ پر فائرنگ کی، دہشت گردوں کی جانب سے کی جانے والی شدید فائرنگ کے نتیجے میں سات ایف سی جوان شہید ہوگئے۔

ترجمان پاک فوج کے مطابق ایف سی کے تمام جوانوں نے دہشت گردوں کے حملے کو ناکام بناتے ہوئے جام شہادت نوش کیا۔

آئی ایس پی آر کا کہنا ہے کہ واقعے کے بعد دہشتگردوں کو پکڑنے کیلئے سیکیورٹی فورسز نے علاقےکا محاصرہ کیا جبکہ آپریشن کے دوران بڑی تعداد میں اسلحہ اور گولیاں تحویل میں لے لی گئیں۔

ترجمان پاک فوج کا کہنا ہے کہ دہشت گردوں کے فرار ہونے کے راستے بلاک کر کے بڑے پیمانے پر سرچ اینڈ کلیرنس آپریشن جاری ہے۔

آئی ایس پی آر کے مطابق شہید اہلکاروں میں نائب صوبیدار گلزار، سپاہی فیصل، سپاہی شیر زمان، سپاہی جمال، سپاہی عبدالرؤف اور سپاہی فقیرمحمد شامل ہیں۔