گیمز آف تھرونز‘ گیم کا بانی اور چینی ارب پتی گیم ڈویلپر کرسمس کے روز ڈرامائی طور پر انتقال کر گئے۔

غیر ملکی میڈیا رپورٹس کے مطابق 39 سالہ چینی ٹائیکون لِنکی گیمز ڈیولپر کمپنی یوزو کے چیئرمین اور چیف ایگزیکٹو تھے جبکہ مقبول ترین ٹی وی شو اور ناول گیم آف تھرونز پر مبنی ’گیم‘ ان کی وجہ شہرت تھی۔

مزید پڑھیں

ہالی ووڈ ڈرامہ’گیم آف تھرونز کا پریکیوئل ​​”ہاؤس آف ڈریگن” جاری

اکتوبر 2019 میں  ایچ بی او نے گیم آف تھرونز کا پریکیوئل...

جمعہ کے روز کرسمس ڈے پر ڈرامائی طور پر ان کی موت کی خبر سامنے آئی اور قیاس آرائیاں کی جارہی ہیں کہ لِنکی کو چائےمیں زہر ملا کر دیا گیا تھا۔

پولیس نے لِنکی کے ایک ساتھی پر شک ظاہر کیا ہے جس کی شناخت صرف اس کی عرفیت ژو سے ہوئی ہے۔

دوسری جانب لِنکی کی کمپنی کی جانب سے جاری بیان میں بتایا گیا ہےکہ وہ خود چند روز قبل طبیعت ناساز ہونے پر اسپتال میں داخل ہوئے تھے مگر اس وقت ان کی حالت بہتر تھی۔

لِنکی کی اچانک موت پر کمپنی کے موجودہ اور سابق ملازمین نے دفتر کے باہر جمع ہوکر سوگ منایا۔

یاد رہے کہ لِنکی کا شمار چین کی امیر ترین شخصیات میں ہوتا تھا جن کی دولت اندازاً 1.3 بلین ڈالرز ہے۔

واضح رہے کہ لِنکی نے 2009 میں یوزو کمپنی کی بنیاد رکھی اور گیمنگ انڈسٹری میں انتہائی کامیابی حاصل کی۔