وزیر قانون بیرسٹر فروغ نسیم کا کورونا ٹیسٹ مثبت آ گیا۔

تفصیلات کے مطابق متحدہ قومی موومنٹ سے تعلق رکھنے والے وفاقی وزیر قانون بیرسٹر فروغ نسیم نے اپنے ایک بیان میں کورونا کی ہلکی علامات محسوس کر رہا ہوں، کراچی میں اپنے گھر سے کام جاری رکھوں گا۔

وزیر قانون بیرسٹر فروغ نسیم نے اپنی صحت کے لیے دعاﺅں کی درخواست بھی کی ہے۔

یاد رہے کہ تازہ اعدادوشمار کے مطابق24 گھنٹوں کے دوران پاکستان میں کورونا وائرس کے سبب 75 افراد اپنی جان کی بازی ہار گئے ہیں۔

نیشنل کمانڈاینڈ کنٹرول سینٹر کی جانب سے جاری اعدادوشمار کے مطابق24 گھنٹوں میں دوہزار829 نئے کیسز سامنے آئے اور متاثرہ افراد کی کل تعداد4لاکھ 3ہزار313 ہوگئی ہے۔

کورونا کے سبب سب سے زیادہ اموات پنجاب  میں ہوئی ہیں جہاں 3 ہزار66 افراد جان کی بازی ہار چکے ہیں۔

سندھ میں 2 ہزار962، خیبر پختونخوا ایک ہزار 375، اسلام آباد 324، گلگت بلتستان 97، بلوچستان 169 اور آزاد کشمیر میں 173 افراد جان کی بازی ہار چکے ہیں۔