پاکستان شوبز انڈسٹری کی گلوکار فلک شبیر نے اپنی اہلیہ اور پاکستان کی نامور اداکارہ سارہ خان کے لیے خوبصورت گیت گا لیا۔

 تفصیلات کے مطابق عالمی وبا کورونا وائرس لاک ڈاؤن کے دوران معروف اداکارہ سارہ خان کے ساتھ شادی کرنے والے گلوکار فلک شبیر نے اپنے انسٹا گرام اکاؤنٹ پر ایک ویڈیو شیئر کی ہے۔

مزید پڑھیں

سارہ خان اور فلک شبیرکی دلکش موسم میں لی گئیں دلفریب تصویریں وائرل

پاکستان شوبز انڈسٹری کی نوبیاہتا جوڑی سارہ خان اور فلک شبیرکی دلکش...

ویڈیو میں دیکھا جاسکتا ہے کہ وہ اپنی اہلیہ کے لیے ایک خوبصورت گانا کارہے ہیں۔

 اداکارہ سارہ خان کی یہ ویڈیو سوشل میڈیا پرتیزی سے وائرل ہو رہی ہے۔

انسٹاگرام پر شیئر کی جانے والی ویڈیو میں سارہ خان نے مغربی لباس پہنا ہوا ہے اور وہ کیمرے کی طرف دیکھ کر مسکرا رہی ہیں جبکہ ویڈیو میں فلک شبیر خود نظر نہیں آرہے۔

 سارہ خان کی وائرل ویڈیو میں جو گانا سنائی دے رہا ہے وہ گلوکار فلک شبیر کی آواز ہے، گلوکار نے یہ گانا اپنی اہلیہ کے لیے گایا ہے۔

فلک اپنی اہلیہ کے لیے ’خوبصورت ہے تو اتنا، سہا نہیں جاتا‘ گانا گا رہے ہیں۔

یادرہے کہ اداکارہ سارہ خان کی یہ ویڈیو چند ہی گھنٹوں میں وائرل ہوگئی۔

فلک شبیر نے اپنے انسٹاگرام اکاؤنٹ پر ویڈیو شیئر کرتے ہوئے کیپشن میں لکھا کہ’یہ گانا سارہ کے لیے۔‘

گلوکار نے اپنے انسٹاگرام اکاؤنٹ پر یہ ویڈیو 14گھنٹے قبل شیئر کی تھی جسے اب تک 2لاکھ سے زائد مداح لائیک کرچکے ہیں۔

واضح رہے کہ اس سے قبل فلک شبیر کی جانب سے اپنے انسٹا گرام پر ایک ویڈیو شیئر کی گئی تھی جس میں وہ ہاتھوں میں پھولوں کا گلدستہ تھامے سارہ خان کو گھر میں ڈھونڈھ رہے تھے جبکہ سارہ خان کچن میں کچھ پکانے میں مصروف تھیں۔