معروف ٹک ٹاک اسٹار حریم شاہ سے تھپڑ کھانے کے بعد تنازعات میں گھرے رہنے والے مفتی عبدالقوی کا ردعمل سامنے آگیا۔

تفصیلات کے مطابق  وائرل ویڈیو  میں حریم شاہ سے تھپڑ کھانے والے مفتی عبدالقوی کا  کہنا  ہے کہ ایک ٹی وی پروگرام  کے لیے حریم شاہ اور مجھے کراچی بلوایاگیا تھا۔

انہوں نے کہا کہ میں ہوٹل میں بیٹھا موبائل فون استعمال کررہا تھا کہ حریم شاہ اچانک کمرے میں آئی اور تھپڑ مار کر چلی گئی۔

یاد رہے کہ کچھ دیر قبل سوشل میڈیا پر ایک ویڈیو وائرل ہوئی جس میں   دیکھا جا سکتا ہے کہ ایک خاتون نے مفتی عبدالقوی کو تھپڑ مارا جس پر وہ ہڑبڑا اٹھے۔

ویڈیو میں خاتون کا چہرا واضح نہیں تھا جس کی وجہ سے مختلف چہ مگوئیاں جاری تھیں تاہم اب ٹک ٹاک اسٹار  حریم شاہ نے خود ہی اعتراف کرلیا ہے کہ تھپڑ والی خاتون وہ ہیں۔

حریم شاہ نے اپنے انسٹاگرام اکاؤنٹ پہ ویڈیو شیئر کرتے ہوئے کہا کہ انہوں نے تھپڑ کیوں مارا ہے اس کا جواب جلد سب کو مل جائے گا۔