انڈہ خراب ہے یا صحیح اس کا پتہ لگانا اب آسان ہوگیا ہے۔

تفصیلات کے مطابق انڈے خریدتے وقت ہمارے ذہن میں بہت سارے سوالات اٹھتے ہیں کہ کہیں یہ بہت پرانے تو نہیں یا خراب تو نہیں۔

مزید پڑھیں

جنوبی افریقہ کے مختلف شہروں میں شدید برف باری، سردی کی شدت میں اضافہ

جنوبی افریقہ کے متعدد شہروں میں برف باری کا سلسلہ دوسرے روز...

صحت مند رہنے کے لئے ’انڈہ ‘ ضرور کھائیں

انڈا انسانی صحت کے لیے اہم غذا ہے، انڈا موسمِ سرما کے...

انڈے کے اندر سے خراب ہونے یا نہ ہونے کا پتا صرف اس وقت چل سکتا ہے جب آپ اسے توڑتے ہیں۔

لیکن انڈے کو توڑے بغیر بھی اس کے خراب یا معیاری ہونے کا پتا چلایا جاسکتا ہےجس کا ایک آسان طریقہ ہے۔

اگر آپ انڈہ چیک کرنا چاہتے ہیں تو اسے کان کےقریب لائیں اور ہلکا سا ہلائیں، اگر اس کے اندر سے چھلکنے کی آواز آئے تو سمجھ جائیں کہ انڈہ خراب ہے لیکن اگر ہلانے کے باوجود انڈے کے اندر سے چھلکنے کی آواز نہیں آ رہی تو وہ کھانے کے قابل ہے۔

دوسرا آسان طریقہ یہ ہے کہ آپ انڈے کو کسی برتن میں ٹھنڈے پانی میں ڈال کر دیکھیں ،اگر انڈہ فوران برتن کے پیندے پر بیٹھ جاتا ہے تو وہ صحیح ہے اور اگر وہ تیرنے لگتا ہے تو خراب ہے۔

واضح رہے کہ خراب انڈہ خوراک کو زہرآلود کرنے کا سبب بنتا ہے تاہم ان طریقوں پر عمل کر کے اپنی صحت کا خیال رکھا جا سکتا ہے۔