برطانوی اخبار ایسٹرن آئی نے بھی سال 2021 میں 30 انڈر 30 گلوبل ایشین اسٹارز کی فہرست جاری کی ہے۔

 تفصیلات کے مطابق فہرست میں ان باصلاحیت فنکاروں کو شامل کیا گیا ہے جو بہت کم عمری میں دنیا بھر میں مقبول ہورہے ہیں۔

مزید پڑھیں

سجل علی کتنے سال کی ہوگئیں؟

پاکستان شوبز انڈسٹری کی ہر دل عزیز اداکارہ سجل علی 27 سال...

ہر سال مختلف عالمی اداروں کی جانب سے دنیا بھر میں یا خطوں کے حساب سے کامیابی حاصل کرنے والے فنکاروں اور شوبز شخصیات کی فہرست جاری کی جاتی ہے۔

 تاہم اس بار جاری کردہ فہرست میں پاکستان شوبز انڈسٹری کی اداکارہ سجل علی ،اداکارہ ایمن خان اوراداکار بلال عباس 30 انڈر 30 گلوبل ایشین اسٹارز میں شامل ہو گئے۔

خیال رہے کہ گزشتہ مہینے ایسٹرن آئی نے بلال عباس کو ایشیا کی 50 مقبول شخصیت میں شامل کیا تھا اور اب انہیں اس فہرست میں بھی شامل کیا ہے

بلال عباس خان

ایسٹرن آئی نے لکھا کہ 27 سالہ اداکار خود کو پاکستان میں فلم اور ٹی وی کے مستقبل کی پوزیشن پر لائے ہیں اور وہ مزید ہائی پروفائل ٹی وی اور فلم پروجیکٹس کرنے جارہے ہیں۔

اداکارہ ایمن خان

پاکستانی اداکارہ ایمن خان صرف 22 سال کی ہیں لیکن وہ فوٹو شیئرنگ ایپ انسٹاگرام پر سب سے زیادہ فالو کی جانے والی پاکستانی اداکارہ ہیں۔

ایسٹرن آئی کے مطابق ایمن خان کے پاس آفرز کی کمی نہیں اور وہ بہت دیکھ بھال کے اپنے پروجیکٹس کا انتخاب کریں گی۔

سجل علی

27 سالہ سجل علی ایک دہائی سے زائد سے عرصے سے پاکستانی ٹی وی پر اپنی اداکاری کے جلوے دکھارہی ہیں اور ملک کی صف اول کی اداکاراؤں میں شامل ہیں۔

دانیال ظفر

24 سالہ گلوکار موسیقار دانیال ظفر، اس فہرست میں تیسرے نمبر پر ہیں اور وہ پاکستان کے معروف اداکار و گلوکار علی ظفر کے چھوٹے بھائی ہیں۔

واضح رہے کہ اس فہرست میں ایمان ویلانی، عالیہ بھٹ، زین ملک، گرو رندھاوا، شہناز گل اور دیگر شامل ہیں