سال نو کے پہلے دن دنیا بھر میں کتنے بچے ہوئے، اعدادوشمار سامنے آگئے۔

اقوام متحدہ کے ذیلی ادارے یونیسیف  کی رپورٹ کے ایک محتاط اندازے کے مطابق سال 2021 کے پہلے دن دنیا بھر میں تقریباً3 لاکھ 71 ہزار 504 بچوں کی پیدائش ہوئی ہے ۔

یونیسف کے محتاط اندازے کے مطابق سال نو کے پہلے دن پاکستان میں 16 ہزار 787 بچوں کی پیدائش ہوئی ہے۔

سال کے پہلے دن بچوں کی پیدائش کے تخمینے کے لیے یونیسیف نے اہم رجسٹریشن اور قومی سطح پر گھروں میں کیے جانے والے سروے میں لگائے گئے یومیہ اور ماہانہ پیدائش کے تخمینوں کا استعمال کیا۔

عالمی سطح پر بچوں کی پیدائش کی کُل تعداد میں سے نصف بچے 10 ممالک میں ہی پیدا ہوئے جن میں پاکستان چوتھے نمبر پر ہے ۔

یونیسیف کے اندازے کےمطابق یکم جنوری کو بھارت میں 59 ہزار 995، چین میں 35 ہزار 615، نائیجیریا میں 21 ہزار 439، پاکستان میں16 ہزار 787 ، انڈونیشیا میں 12 ہزار 336، ایتھوپیا میں 12 ہزار 6، امریکا میں 10 ہزار 312، مصر میں 9 ہزار 455، بنگلہ دیش میں 9 ہزار 236 اور جمہوریہ کانگو میں 8 ہزار 640 بچوں کی پیدائش ہوئی۔