امیر جماعت اسلامی سینیٹر سراج الحق نے کہا ہے کہ حکومت نے کشمیر پر صدی کا سب سے بڑا یوٹرن لیا ہے۔

تفصیلات کے مطابق امیر جماعت اسلامی سینیٹر سراج الحق نے اپنے ایک بیان میں کہا کہ حکمران کشمیریوں کے ساتھ مخلص ہیں توبھارت کے ساتھ سفارتی تعلقات ختم کریں۔

سراج الحق نے کہا کہ انٹرنیشنل اسٹیبلشمنٹ کے ساتھ ساز باز کر کے خطہ کو نئی دہلی کے حوالے کردیا گیا، وزیراعظم کے کشمیرپر یوٹرن سے پاکستانی ہی نہیں ، پوری دنیا بھی حیران ہے۔

امیر جماعت اسلامی نے یہ بھی کہا کہ کشمیر کی روح آزادی کو پامال کرنے والی سازش کامیاب نہیں ہونے دیں گے۔

سینیٹر سراج الحق کا کہنا تھا کہ گلگت بلتستان کے الیکشن میں پی ٹی آئی نے وہی طریقہ کار اپنایا جس طرح ماضی میں کیا جاتا رہا جبکہ پی ٹی آئی کے دور میں کارخانے بند اور لنگر خانے تعمیر ہو رہے ہیں۔

امیر جماعت اسلامی سینیٹر سراج الحق کا مزید کہنا تھا کہ ہم چاہتے ہیں کہ الیکشن کمیشن ایک خود مختار اور مضبوط ادارہ ہو جبکہ براڈ شیٹ پر حکومتی کمیٹی نامنظور، سپریم کورٹ ایکشن لے۔