سابق صدر آصف زرداری کی طبیعت ناساز ہونے کی اطلاعات ہیں جس کے بعد ان کا علاج ضیا الدین اسپتال میں علاج جاری ہے۔

اس ضمن میں ذرائع کے مطابق آصف علی زرداری کا شوگر لیول انتہائی کم ہونے پر ان کے دل کی تکلیف بڑھ گئی تھی تاہم اب چند ٹیسٹ کرلیے گئے ہیں۔

یاد رہے کہ طبیعت خراب ہونے پر آصف زرداری کو کل رات بلاول ہاؤس سے فوری ضیا الدین کلفٹن منتقل کیا گیا تھا۔

ماہر سرجن کی نگرانی میں علاج پر طبیعت میں بہتری آنے کے بعد آصف زرداری بات چیت کر رہے ہیں تاہم ڈاکٹرز نے مزید چند آصف زرداری کو اسپتال میں نگہداشت میں رکھنے کا فیصلہ کیا ہے۔

آصفہ بھٹو والد کی تیمارداری کر رہی ہیں، آصف زرداری کی طبیعت بہتری کے بعد بلاول بھٹو نے اسلام آباد سے فون پر اپنے والد کی صحت دریافت کی ہے۔