سابق صدرمملکت آصف علی زرداری کی طبیعت پھر خراب ہوگئی۔

تفصیلات کے مطابق سابق صدرمملکت آصف علی زرداری کی صحت سے متعلق تازہ ترین اپ ڈیٹ بول نیوز پر سامنے آگئی ، سابق صدرمملکت آصف علی زرداری کی طبیعت پھر خراب ہوگئی ہے۔

ذرائع کا کہنا ہے کہ آصف زرداری کو تیز بخار، شوگر لیول انتہائی کم ہوگیا جس کے باعث ضیا الدین اسپتال میں ان کا کا علاج جاری ہے۔

یاد رہے کہ بخار کے باعث آصف زرداری کا کورونا ٹیسٹ کیا گیا جو کہ منفی آیا تھا۔

واضح رہے گزشتہ روز سابق صدر آصف زرداری کی طبیعت کے حوالے سے اپنے جاری بیان میں ڈاکٹر عاصم حسین نے کہا تھا کہ ماہر ڈاکٹرز ٹیم کی زیر نگرانی سابق صدرمملکت آصف علی زرداری کا علاج ہورہا ہے اور ان کی طبیعت اب بہتر ہے۔

ڈاکٹر عاصم حسین نے مزید کہا تھا کہ طبیعت بہتر ہونے تک سابق صدر آصف زرداری زیرعلاج رہینگے۔