پاکستان شوبز انڈسٹری کی نامور میزبان اور اداکارہ نادیہ خان کا شادی کا میک اپ کس نے کیا تھا، اداکارہ نے مداحوں کو بتا دیا۔

تفصیلات کے مطابق نادیہ خان نے انکشاف ظاہر کیا ہے کہ اُنہوں نے اپنی شادی پر اپنا میک اپ خود کیا تھا۔

مزید پڑھیں

چار ماہ قبل میرے شوہر میرے لیے انجان تھے، نادیہ خان

پاکستان شوبز انڈسٹری کی اداکارہ اور میزبان نادیہ خان نےاہم انکشاف کر...

مذکورہ ویڈیو نادیہ خان کی شادی کے دن کی ہے جس میں دیکھا جاسکتا ہے کہ نادیہ خان نے کس طرح خود اپنا میک اپ کرکے خود کو ایک دلکش دُلہن کے روپ میں تبدیل کیا۔

خیال رہے کہ ویڈیو میں نادیہ خان کہیں کہیں وقت کی کمی اور کام زیادہ ہونے کی وجہ سے ٹینشن میں بھی نظر آرہی ہیں۔

دوسری جانب ویڈیو میں وہ اپنے بچوں کو یہ بھی کہتی دِکھائی دے رہی ہیں کہ اپنے کپڑے استری کروا کر جلدی سے تیار ہوجاؤ۔

ویڈیو میں نادیہ خان کو یہ کہتے ہوئے بھی سُنا جاسکتا ہے کہ وہ جیسے جیسے نکاح کا وقت قریب آرہا ہے اُن کے ہاتھ کانپ رہے ہیں۔

نادیہ خان نے مداحوں کے ساتھ یہ خصوصی ویڈیو شیئر کرتے ہوئے کیپشن میں لکھا کہ ’میں نے اپنی شادی پر اپنا میک اپ خود کیا تھا جس کی مختصر ویڈیو اپ لوڈ کردی گئی ہے۔‘

نادیہ خان کے شوہر 18 سال تک خدمات انجام دینے کے بعد 2009 میں پاک فضائیہ سے ونگ کمانڈر کی حیثیت سے ریٹائر ہوئے اور متحدہ عرب امارات کی فضائیہ میں پہلے انسٹرکٹر پائلٹ اور پھر چیف آف سیفٹی کی حیثیت سے شامل ہوئے۔

یاد رہے کہ نادیہ خان اس سے قبل بھی شادی کے بندھن میں بندھ چکی ہیں اور اُن کے تین بچے ہیں، اُن کی بڑ ی بیٹی کا نام علیزے، بیٹے کا نام اذان اور سب سے چھوٹے بیٹےکا نام کیان ہے۔

واضح رہے کہ نادیہ خان رواں ماہ کی شروعات میں ہی ریٹائرڈ پی اے ایف آفیسر اور فائٹر پائلٹ فیصل ممتاز راؤ کے ساتھ رشتۂ ازدواج میں منسلک ہوئی ہیں۔