پاکستان شوبز انڈسٹری کے معروف اداکار جاوید شیخ نے شوبز انڈسٹری سے تعلق رکھنے والوں پر اظہارِ خیال کردیا۔

 تفصیلات کے مطابق اداکار جاوید شیخ کے انٹرویو کی ایک ویڈیو سوشل میڈیا پرتیزی سے وائرل ہو رہی ہے۔

مزید پڑھیں

اداکارہ ماہرہ خان آج کل کہاں ہیں؟ تصاویر وائرل

پاکستان شوبز انڈسٹری کی معروف اداکارہ ماہرہ خان کی تصاویر سوشل میڈیا...

 اداکار جاوید شیخ کی وائرل ویڈیو میں دیکھا جا سکتا ہے کہ  اداکار بہت سی باتوں پر اپنے خیالات اور جذبات کا اظہار کر رہے ہیں۔

ایک سوال میں جاوید شیخ سے پوچھا گیا کہ آپ کو عورت کس روپ میں پسند ہے، تو انہوں نے کہا کہ ماں۔

انہوں نے کہا کہ ماں کا درجہ بہت بلند ہے اور بیٹی بھی ایک وقت میں ماں بنتی ہے، ماں سے بڑھ کر کوئی چیز نہیں۔

انٹرویو کے دوران اداکار سے جب بہترین اداکاروں کو ریٹنگ سے متعلق سوال کیا گیا تو جاوید شیخ نے فہد مصطفیٰ کو پہلا، شان شاہد کو دوسرا اور تیسرا نمبر فواد خان کو دیا۔

اداکاراؤں میں جاوید شیخ نے سرفہرست ماہرہ خان، دوسرے نمبر پر صبا قمر جبکہ تیسرے نمبر پر مایا علی کو رکھا۔

علاوہ ازیں جاوید شیخ نے معین اختر اور عمر شریف کو کامیڈی کنگ بھی قرار دیا۔

دوسری جانب جاوید شیخ نے انٹرویو میں انکشاف کیا کہ ان کے بچپن کا کرش بالی وڈ کی حسین اداکارہ کا خطاب رکھنے والی مدھو بالا تھیں۔

واضح رہے کہ اداکارا جاوید شیخ نے ایک سوال کا جواب دیتے ہوئے بتایا کہ اگر میں اداکار نہ ہوتا تو بہت اچھا بزنس مین ہوتا۔