پاکستان شوبز انڈسٹری کی معروف سینئر اداکارہ، ہدایتکارہ اور پروڈیوسر میڈم سنگیتا نے نئی اداکاراؤں سے ناراضی کا اظہار کر دیا۔

 تفصیلات کے مطابق اداکارہ سنگیتا نے بول نائٹ کے پروگرام مین شرکت کی جہاں اداکارہ سے میزبان نے نئی اداکاروں کے بارے میں سوال کیا۔

مزید پڑھیں

نامور اداکارہ و ہدایتکارہ سنگیتا بھی عالمی وبا کا شکار

پاکستان فلم اور ٹی وی کی سینئیر ورسٹائل اداکارہ و فلمساز سنگیتا...

واضح رہے کہ بول نائٹ پروگرام کی ویڈیو سوشل میڈیا پر تیزی سے وائرل ہو رہی ہے۔

تاہم میزبان کی جانب سے کیے جانےوالے سوال پراداکارہ سنگیتا نے کہا کہ وہ جب کسی بھی ایوارڈ شو میں پاکستان کی اداکاراؤں کو ہالی ووڈ اداکاؤں اور اُن کے لباس کی نقل کرتے ہوئے دیکھتی ہیں تو اُنہیں بہت دُکھ ہوتا ہے۔

میڈم سنگیتا کا اپنے انٹرویو میں مزید کہنا ہے کہ ’پاکستانی اداکاراؤں کو ہالی وُوڈ کی نقل کرنے کے بجائے اپنی ثقافت اپنانی چاہیے۔

انہوں نے کہا کہ پاکستانی اداکاراؤں کو چاہیے کہ وہ چوڑی دار پاجامہ پہنیں، شلوار قمیص اور لمبے دوپٹے اوڑھیں۔‘

اداکارہ نے مزید کہا کہ ’ پاکستانی لباس میں اداکارائیں بہت حسین لگتی ہیں۔‘

میڈم سنگیتا کا کہنا تھا کہ ’ایوارڈ شوز میں پاکستانی اداکارائیں چھوٹی چھوٹی میکسیاں پہن کر آ جاتی ہیں۔‘

اداکارہ سنگیتا نے پاکستانی اداکاراؤں کو مشورہ دیا کہ ’آپ اپنی تہذیب چھوڑ کر دوسروں کا کلچر نہیں اپنائیں۔‘