پاکستان شوبز انڈسٹری کے اداکارآغا علی نے اداکارہ علیزے شاہ کو اہم مشورہ دے دیا۔

 تفصیلات کے مطابق اداکار و گلوکار آغا علی کا کہنا ہے کہ نوجوان اداکارہ علیزے شاہ کو میک اَپ سے زیادہ اداکاری پر توجہ دینے کی ضرورت ہے۔

مزید پڑھیں

عمران عباس شادی کرنے والے ہیں؟

پاکستان شوبز انڈسٹری کے نامور اداکار اور ماڈل عمران عباس نے ایک انٹرویو...

حال ہی میں اداکار شہروز سبزواری اور ان کی اہلیہ صدف کنول اور آغا علی نجی پروگرام شو میں جلوہ گر ہوئے تھے۔

تاہم دورانِ پروگرام  شہروز اور آغا دونوں کو ایک دوسرے سے سوالات کرنے تھے۔

اس سیگمنٹ میں اداکار شہروز سبزواری آغا علی سے سوال کرتے ہیں کہ ’کس اداکارہ کو میک اَپ سے زیادہ اداکاری پر دھیان دینا چاہیے؟‘۔

اداکار آغا علی نے جواب میں علیزے شاہ کا نام لیا۔

علیزے شاہ متعدد پاکستانی ڈراموں میں اداکاری کے جوہر دکھا چکی ہیں اور اب وہ جلد اردو فلکس کی ایک ویب سیریز میں بھی نظر آئیں گی۔

واضح رہے کہ نوجوان اداکارہ علیزے شاہ کا شمار ان پاکستانی اداکاراؤں میں کیا جاتا ہے جنہوں نے کم وقت میں کافی شہرت حاصل کی۔