ترجمان سوٸی سدرن نے کہا ہے کہ جیسے جیسے سردیوں میں کمی آتی جاۓ گی گیس پریشر بہتر ہوتا جائے گا۔

تفصیلات کے مطابق ترجمان سوٸی سدرن نے اپنے ایک بیان میں کہا کہ کراچی کے کسی بھی علاقے میں گیس کی بندش نہیں ہے۔

ترجمان سوٸی سدرن نے کہا کہ سندھ بھر میں کسی قسم کی گیس لوڈ شیڈنگ نہیں کی جا رہی جبکہ کراچی کی صنعتوں أور گھریلو سیکٹرز کو ان کی طلب کے مطابق گیس دینے کی کوشش کر رہے ہیں۔

ترجمان سوٸی سدرن نے کہا کہ کراچی سمیت سندھ بھر میں گیس کی سپلاٸی بہتر ہے، مگر سردیوں میں آنے والی شدت کی سبب گیس کی کھپت بڑھ گٸی ہے۔

ترجمان سوٸی سدرن نے مزید کہا کہ اگر کسی علاقے  میں لو گیس پریشر یا گیس نہ ہونے کا مسٸلہ درپیش ہو تو ایس ایس جی سی کے شکایتی مرکز 1199پر کمپلین کریں۔

یاد رہے کہ سندھ بھر میں گیس کا بحران تاحال جاری ہے جس کے باعث شہر کے مختلف علاقوں میں گیس پریشر میں کمی کا سامنا ہے۔

لانڈھی نارتھ کراچی بلدیہ سائٹ منگھو پیر میں گیس پریشر میں کمی تاہم لیاقت آباد کے مختلف علاقوں میں بھی گیس پریشر انتہائی لو ہے۔

علاوہ ازیں جمشید روڈ بہارکالونی میں گیس کی عدم فراہمی کے باعث لوگ پریشان ہیں۔