برطانوی شہزادہ ولیم نے سوشل میڈیا پر ویکسین کے خلاف پھیلنے والی غلط معلومات پر خبردار کر دیا۔

تفصیلات کے مطابق برطانوی شہزادہ ولیم نے سوشل میڈیا پر ویکسین کے خلاف پھیلنے والی غلط معلومات پر خبردار کرتے ہوئے لوگوں سے کورونا ویکسین لگوانے کی اپیل کردی۔

اپنے بیان میں برطانوی شہزادہ ولیم نے کہا کہ ہمیں اس حوالے سے تھوڑی احتیاط کرنی چاہیے کہ ہم اپنی معلومات کہاں سے حاصل کرتے ہیں، خاص طور پر طبی لحاظ سے کمزور لوگوں کو زیادہ احتیاط کرنی چاہیے۔

شہزادہ ولیم نے یہ بھی کہا کہ میں اور کیتھرین کسی بھی لحاظ سے طبی ماہرین نہیں ہیں لیکن ہم پورے دل سے ویکسین لگانے کے عمل کی حمایت کرتے ہیں کہ یہ بہت زیادہ اہم ہے۔

برطانوی شہزادہ ولیم نے مزید کہا کہ نوجوان نسل اس بات کو ’محسوس کرے کہ ویکسین لگوانا ان کے لیے نہایت اہم ہے۔