پاکستان شوبز انڈسٹری کی ہردل عزیز اداکارہ اقرا عزیز نے معروف ہدایت کار وجاہت حسین کو پاکستان کا سنجے لیلا بھنسالی قرار دے دیا۔

تفصیلات کے مطابق اداکارہ اقرا عزیز نے اپنے نئے ڈرامے کی ٹیم کی ایک تصویر سوشل میڈیا سائٹ انسٹا گرام پر شیئر کی ہے۔

مزید پڑھیں

اقراء عزیز کھانا کھانے میں کتنی دیر لگاتی ہیں؟ یاسر حسین نے بتا دیا

پاکستان شوبز انڈسٹری کی معروف جوڑی یاسر اور اقرا جو خبروں کا...

اداکارہ نے پوسٹ کی جانے والی تصویر میں کہا کہ اس نئے پروجیکٹ میں کام کرنے کا سفر ایک حسین لمحہ ہے، اس ڈرامے میں شامل ہونے پر عبداللہ کادوانی اور اسد قریشی کی  شکرگزار ہوں۔

اقرا عزیز نے ڈرامے کے ہدایت کار کی تعریف میں لکھا کہ وجاہت حسین آپ پاکستان کے سنجے لیلا بھنسالی ہیں۔

اداکارہ نے مزید کہا کہ آپ کی خاص بات یہ ہے کہ آپ کسی بھی سین کو غیر معمولی بنانے کی مہارت رکھتے ہیں۔

جبکہ اداکارہ  نے ڈرامے میں مرکزی کردار ادا کرنے والے فیروز خان سے متعلق کہا کہ آپ کے ساتھ کام کرکے مجھے خوشی ہوئی ہے۔

واضح رہے کہ اقرا عزیز نے پوسٹ کے اختتام میں اُمید ظاہر کی کہ یہ پراجیکٹ بھی مستقبل کے دیگر پراجیکٹ کے لیے سنگ میل ثابت ہوگا۔