پاکستان کی معروف گلوکارہ و اداکارہ کومل رضوی نے پاکستان شوبز انڈسٹری میں واپسی کا اعلان کردیا۔

تفصیلات کے مطابق کومل رضوی نے اپنے انسٹاگرام اکاؤنٹ پر اپنے نئی آنے والے ڈرامے کی کاسٹ کے ہمراہ اپنی ایک تصویر شیئر کی۔

مزید پڑھیں

علیزے شاہ کی دانیال ظفر کے ساتھ ایک اور ویڈیو وائرل

پاکستان شوبز انڈسٹری کی اداکارہ علیزے شاہ اور معورف گلوکار علی ظفر...

تاہم کومل رضوی کے ساتھ خوبرو اداکارہ علیزے شاہ، دانیال ظفر اور جویریہ عباسی بھی موجود ہیں۔

کومل رضوی نے پوسٹ کی جانے والی تصویر کی کیپشن میں بتایا کہ ’یہ ڈرامہ سیریل رواں سال رمضان میں ایک نجی ٹی وی چینل پر نشر کیا جائے گا۔‘

اداکارہ نے ڈرامے کا نام نہیں بتایا تاہم اُنہوں نے یہ ضرور بتایا کہ یہ ایک مزاحیہ فیملی ڈرامہ ہوگا۔

علاوہ ازیں کومل رضوی نے اپنی بوم رینگ ویڈیو بھی شیئر کی جو اُنہوں نے اپنے نئے ڈرامے کے سیٹ پر بنائی تھی۔

اداکارہ نے لکھا کہ ’جب آپ سیٹ پر بور ہورہے ہو تو یہ کرو۔‘

واضح رہے کہ کومل رضوی پاکستان کے سرکاری ٹی وی چینل (پی ٹی وی) کے کئی شوز میں کام کرچکی ہیں۔