گھر پہ بیٹھ کر دفتری کام کرنے والے ملازمین کے لیے بڑی خبر سامنے آگئی۔

تفصیلات کے مطابق مشہور امریکی ٹیکنالوجی کمپنی مائیکرو سافٹ نے گھر سے کام کرنے والے ملازمین  کی سہولت کے لیے نیا پلیٹ فارم  متعارف کروادیا ۔

مائیکر وسافٹ کی جانب سے ویوا  نامی پلیٹ فارم متعارف کرایا  گیا ہے جس کے ذریعے گھر میں دفتری سرگرمیوں کی انجام دہی کے دوران پیش آنے والے پیچیدہ مسائل حل ہوں گے۔

اس پلیٹ فارم سے گھروں  میں کام کرنے کی صورت حال میں بہتری اور کاروباری اداروں کو ان حالات سے مطابقت پیدا کرنے میں مدد  حاصل ہوگی۔

کمپنی کے سربراہ کا کہنا ہے کہ کورونا کے دوران دفتر کے بجائے ملازمین گھر سے کام کررہے ہیں جو ہمارے لیے ایک نیا تجربہ ہے، اسی کے پیش نظر پلیٹ فارم ویوا متعارف کرایا گیا۔

کمپنی کے سربراہ نے امید ظاہر کی ہے کہ ویوا پلیٹ فارم سے کمپنیزکو ڈیجیٹل کے نئے عہد میں ڈھلنے میں آسانی ہوگی۔