پاکستان شوبز انڈسٹری کے معروف اداکار و میزبان حمزہ علی عباسی کی بہن ڈاکٹر فضیلہ عباسی اور مشہور تُرک اداکار چنگیز جوشقون میں معاہدہ طے ہو گیا۔

تفصیلات کے مطابق فضیلہ عباسی نے اپنے اسکن لائن برانڈ کے ایمبیسڈر کے لیے تُرکی کے مشہور تاریخی ڈرامہ سیریل ’ارطغرل غازی‘ میں اہم اور مضبوط ترین ’ تُرگُت سپاہی‘ کا کردار ادا کرنے والے تُرک اداکار چنگیز جوشقون کا انتخاب کیا ہے۔

مزید پڑھیں

حمزہ علی عباسی کی بہن فضیلہ عباسی کی ویڈیو وائرل

پاکستان شوبز انڈسٹری کے سابق اداکار اور میزبان حمزہ علی عباسی کی...

واضح رہے حمزہ علی عباسی کی بہن فضیلہ عباسی پیشے کے لحاظ سے ایک اسکن اسپیشلسٹ ہیں، فضیلہ عباسی پاکستان اور بیرون ملک اسکن ٹریٹمنٹ دیتی ہیں۔

تاہم فضیلہ عباسی کی جانب سے اب پاکستان میں بھی اپنا برانڈ متعارف کروایا جا رہا۔

فضیلہ عباسی کی جانب سے اپنے انسٹا گرام اکاؤنٹ پر ایک پوسٹ شیئر کی گئی ہے جس میں انہیں چنگیز جوشقون کے ساتھ دیکھا جا سکتا ہے۔

فضیلہ عباسی کا اپنی پوسٹ میں کہنا ہے کہ تاریخ میں پہلی بار اب وہ پاکستان میں مرد حضرات کے لیے ایکسکلوزیو اسکن کیئر لائن کھولنے جا رہی ہیں۔

دوسری جانب یہی تصویر چنگیز جوشقون کی جانب سے بھی اپنے انسٹا گرام اکاؤنٹ پر شیئر کی گئی ہے جس پر اُنہوں نے جَلد پاکستان آنے کا بھی عندیہ دیا ہے۔

فضیلہ عباسی کی اس پوسٹ پر پاکستان میں موجود چنگیز جوشقوں کے مداحوں کی جانب سے خوشی کا اظہار کیا جا رہا ہے۔