ہالی ووڈ کے معروف اداکار اور ریسلر ڈوین جانسن نے اپنے مداحوں کو باڈی بلڈنگ اور سخت ترین ورزش کے بعد اپنی ڈائٹ سے متعلق آگاہ کردیا۔

تفصیلات کے مطابق ڈوین جانسن نے فوٹ واینڈ ویڈیو شیئرنگ ایپ انسٹاگرام پر اپنی ڈائٹ کی ویڈیو بھی شیئر کی۔

مزید پڑھیں

امریکی صدارتی انتخاب میں حصہ لینے پر غور کروں گا، ڈوین جانسن

 ہالی وڈ سپر اسٹار ڈوین جانسن نے مستقبل میں امریکی صدارت کے...

دی راک نے بتایا کہ وہ ورزش کرنے کے 10 منٹ کے اندر اندر اپنا ’پروٹین شیک‘ پی لیتے ہیں۔

اس ’پروٹین شیک‘ میں وہ 60 سے 70 گرام پروٹین پاؤڈر، 35 گرام کاربز پاؤڈر، ایک سیب، ایک چمچہ الیکٹرولائٹس، کریٹین اور پانی ڈالتے ہیں۔

اداکار اور ریسلر کی ویڈیو کو کچھ ہی دیر میں 2 ملین سے زائد بار دیکھا گیا۔

انہوں نے لوگوں کو ورزش سے متعلق آگاہی دیتے ہوئے لکھا کہ ایکسرسائز کے فوراً بعد پروٹین، کارب اور میٹھے کے استعمال کی اہمیت کو نظرانداز نہ کیا جائے کیونکہ یہ وقت ہوتا ہے جب آپ کے جسم کو ان غذاؤں کی ضرورت ہوتی ہے اور وہ ان کو بہترین طریقے سے جسم کے اندر استعمال کرتاہے۔

دوسری جانب ڈوین جانسن نے اپنی پوسٹ میں دن کے دوران اپنے دیگر کھانوں کی تفصیلات بھی بتائیں۔