پاکستان شوبز انڈسٹری کی اداکارہ وینا ملک نے اپنی سوشل میڈیا پوسٹ کے ذریعے مداحوں کو تشویش میں مبتلا کردیا۔

تفصیلات کے مطابق گزشتہ روز وینا ملک نے فوٹو اینڈ ویڈیو شیئرنگ ایپ انسٹاگرام پر ایک تصویر پوسٹ کی ہے۔

مزید پڑھیں

پنجاب حکومت نے اتوار کو کاروبار کے لیے کلوز ڈے قرار دے دیا

پنجاب حکومت نے اتوار کو کاروبار کے لئے کلوز ڈے قرار دے...

اداکارہ وینا ملک کا عمران خان کے حق میں  بیان

پاکستان کی اداکارہ وینا ملک کا عمران خان کے حق میں  بیان...

اداکارہ کی جانب سے پوسٹ کی جانے والی تصویر کسی جنگل کی لگ رہی ہے جبکہ تصویر پر انگریزی زبان میں ’آف لائن‘ بھی درج ہے۔

’آف لائن‘ کا مطلب ہے کہ وہ کچھ دن کے لیے انسٹاگرام پر متحرک نہیں رہیں گی۔

علاوہ ازیں وینا ملک نے اپنی پوسٹ کے کیپشن میں ہیش ٹیگ TakingBreak کا بھی استعمال کیا۔

تاہم  یہ واضح ہوگیا ہے کہ وہ کچھ دن کے لیے انسٹاگرام سے بریک لے رہی ہیں۔

وینا ملک نے انسٹاگرام سے بریک لینے کی کوئی وجہ نہیں بتائی تاہم اُن کی یہ پوسٹ دیکھنے کے بعد اُن کے مداح تشویش کا اظہار کررہے ہیں کہ آخر کس وجہ سے اُنہوں نے انسٹاگرام پر عارضی دوری اختیار کرنے کا فیصلہ کیا۔

واضح رہے کہ اداکارہ وینا ملک ایک مرتبہ پھر شہ سرخیوں میں ہیں کیونکہ ان کے شوہر نے اپنے ہی بچے اسمگل کرنے کا الزام عائد کرتے ہوئے انہیں 50 کروڑ ہرجانے کا نوٹس بھیج دیا ہے۔