بالی ووڈ کےلیجنڈ دلیپ کمار کے پشاور کے آبائی گھر کی قیمت پر حکومت اور مالک مکان کے درمیان معاملات بننے کے امکانات معدوم ہوگئے۔

تفصیلات کے مطابق حکومت نے بالی ووڈ کے لیجنڈ اداکار دلیپ کمار کے پشاور کے آبائی گھر کی قیمت 80 لاکھ روپے مقرر کردی ہے۔

مزید پڑھیں

بھارتی اداکار دلیپ کمار کی پشاور والوں سے درخواست

بالی وڈ کے معروف اداکار یوسف خان المعروف دلیپ کمار نے پشاور...

مالک مکان کی طرف سے گزشتہ روز 35 کروڑ مانگے جانے پر حکومت نے گھر کی قیمت 80 لاکھ روپے مقرر کردی ہے۔

مالک مکان نے گزشتہ روز ڈی سی پشاور کے دفتر میں جمع کرائی گئی درخواست میں 7 کروڑ روپے فی مرلہ دینے کا مطالبہ کیا تھا۔

تاہم حکومت کی طرف سے گھر کی قیمت 80 لاکھ روپے مقرر کیے جانے کے بعد علاقے کے پراپرٹی ڈیلرز کا موقف بھی سامنےآگیا۔

پراپرٹی ڈیلرز کے مطابق محلہ خدا داد میں فی مرلہ زمین کی قیمت 3 تا 5 کروڑ روپے کے درمیان ہے۔

محکمہ آثار قدیمہ حکام کے مطابق گھر کی خریداری کے لیے سیکشن فور کے تحت مکان کی قیمت مقرر کردی گئی ہے، جلد ضلعی انتظامیہ کو رقم ادا کردی جائے گی۔

واضح رہے کہ دلیپ کمار کے ترجمان فیصل فاروقی نےبرطانوی میڈیا سے بات کرتے ہوئے کہا ہے پشاور دلیپ کمار کے دل میں بستا ہے۔

اداکار دلیپ کمار کے ترجمان نےکہا ہے کہ پشاور میں دلیپ کمار اور کپور خاندان کے گھروں کے موجودہ مالکان اور حکومت پاکستان کو چاہیے کہ وہ مل کر باہمی اتفاق سے قیمتوں کا تعین کریں۔

انہوں نے کہا کہ ایسا کرنے سے میوزیم قائم کرنے کا منصوبہ جلد از جلد پایہ تکمیل تک پہنچ سکے۔

اس حوالے سے اداکار دلیپ کمار کے ترجمان نےکہا نے بتایا کہ وہ اکثر و بشتر پشاور اور اپنے آبائی گھر کا ذکر کرتے رہتے ہیں۔

انہوں نے کہا کہ جب سے حکومت پاکستان کی جانب سے دلیپ کمار کے گھر اور کپور حویلی میوزیم میں تبدیل کرنے کے فیصلے سے ان فنکاروں کے مداح کافی خوش ہیں۔

دوسری جانب فیصل فاروقی کا کہنا ہے کہ پشاور میں جنوبی ایشیا کے بڑے فنکاروں دلیپ کمار، کپور فیملی، شاہ رخ خان اور دیگر کے آبائی گھروں کی اہمیت کو پوری دنیا میں تسلیم کیا جاتا ہے۔

ان فنکاروں کے آبائی گھروں کو محفوظ بنانے سے پشاور کی اہمیت میں اضافہ ہو گا اور ملک میں سیاحت کی صنعت کو بھی استحکام ملے گا۔