پاکستان شوبز انڈسٹری کی اداکارہ مریم انصاری نے شوہر کے ہمراہ اپنی شادی کی نئی تصویریں سوشل میڈیا پر شیئر کر دی۔

تفصیلات کے مطابق حال ہی میں لیجنڈری کرکٹر معین خان کے بڑے بیٹے اویس خان کے ساتھ رشتۂ ازدواج میں منسلک ہونے والی شوبز انڈسٹری کی خوبرو اداکارہ مریم انصاری نے سماجی رابطے کی ویب سائٹ انسٹاگرام پر اپنی مہندی کی تقریب کی کچھ دلکش تصویریں شیئر کی ہیں۔

مزید پڑھیں

ایک اور شوبزاسٹار نے خاموشی سے شادی کرلی

پاکستانی شوبز انڈسٹری کی ایک اور خوبرو اداکارہ نے خاموشی سے نکاح...

مذکورہ تصویروں میں وہ خوبصورت عروسی لباس میں ملبوس ہیں جبکہ اداکارہ اور اُن کے شوہر بےحد خوش نظر آرہے ہیں۔

مریم انصاری نے ایک محبت بھرا کیپشن دیتے ہوئے اویس خان سے مخاطب ہوکر لکھا ’ہمیشہ کے لیے میرا۔‘

اداکارہ نے دُعاؤں اور نیک خواہشات کے لیے اپنے تمام مداحوں اور دوستوں کا بھی شکریہ ادا کیا۔

واضح رہے کہ پاکستان ڈرامہ انڈسٹری کی خوبرو اداکارہ مریم انصاری اور لیجنڈری کرکٹر معین خان کے بیٹے اویس خان کے نکاح کی تقریب حال ہی میں منعقد کی گئی تھی جس کی تصویریں سوشل میڈیا پر وائرل ہوئیں۔