سپریم کورٹ کی جانب سے مقامی حکومتیں وقت سے پہلے ختم کرنے پر جواب طلب کرلیا گیا ہے۔

تفصیلات کے مطابق سپریم کورٹ میں جاری بلدیاتی انتخابات کے انعقاد کے حوالے سے 28 جنوری کی سماعت کا تحریری حکم جاری کر دیا گیا ہے۔

جاری کردہ حکم نامے کے مطابق عدالت نے پنجاب میں مقامی حکومتیں وقت سے پہلے ختم کرنے پر پنجاب حکومت سے 4 فروری تک تحریری جواب مانگ لیا ہے۔

حکم نامے میں بتایا ہے کہ چیف الیکشن کمشنر نے بتایا کہ پنجاب میں مقامی حکومتیں وقت سے پہلے تحلیل کی گئیں جبکہ چیف الیکشن کمشنر نے مقامی حکومتوں کی تحلیلکے اس اقدامکو غیرقانونی قرار دیا ہے۔

حکم نامے کے مطابق عدالت نے بلدیاتی انتخابات نہ کرانے پر سندھ، بلوچستان اور پنجاب حکومتوں کو نوٹسز بھی جاری کردیئے گئے ہیں جبکہ خیبرپختونخوا اور وفاق کو پہلے ہی نوٹس جاری کیے جا چکے ہیں۔

الیکشن کمیشن سے بلدیاتی انتخابات کے حوالے سے ہونے والے اجلاس کی تفصیلات طلب کرتے ہوئے رپورٹ جمع کرانے کا حکم دیا ہے۔