معاون خصوصی پنجاب ڈاکٹر فردوس عاشق اعوان نے کہا ہے کہ عام آدمی کا سیاست میں آنا مشکل ترین کام بن گیا ہے۔

تفصیلات کے مطابق معاون خصوصی پنجاب ڈاکٹر فردوس عاشق اعوان نے اپنے بیان میں کہا کہ مورثی سیاست نے سیاست کو آلودہ کر دیا ہے۔

انہوں نے کہا کہ ہمارے جیسے لوگ ڈاکٹر ہوتے ہوئے بھی سیاست میں پیسے کمانے نہیں آئے پیسہ کمانے کے لیے ڈاکٹر ہونا ہی کافی ہے۔

معاون خصوصی پنجاب نے یہ بھی کہا کہ الیکشن جیت کے آنے والے اپنے حلقے کے لیے کام کرتے ہیں جبکہ   سسٹم کو بدلنے کی بات کرنا مشکل کام ہوتاہے ۔

فردوس عاشق اعوان نے یہ بھی کہا کہ خواتین کے لیے عملی سیاست میں کام کرنا آسان بات  نہیں ہے۔

معاون خصوصی پنجاب ڈاکٹر فردوس عاشق اعوان نے مزید کہا کہ سائیکلوں اور ریڑھی والے امیرترین  بن گئے ہیں جبکہ موجودہ سیاسی ماحول میں اسٹیٹس کو کا حصہ بننا آسان ہے۔