وزیر اعلیٰ پنجاب عثمان بزدارنے اپنے بیان میں کہا  ہےکہ کورونا وائرس کے مریضوں کی تعداد کے ساتھ شرح اموات میں بھی اضافہ ہورہا ہے ۔

تفصیلات کے مطابق وزیراعلیٰ پنجاب عثمان بزدارکا کہنا ہے کہ کورونا کی وباء میں شدت آ رہی ہےلہذا شہریوں کو سنجیدگی دکھانا ہوگی اورہرایک کو ذمہ داری کا مظاہرہ کرنا ہوگا۔

انہوں نےیہ بھی کہا کہ گھر سے باہر نکلتے وقت کورونا سے محفوظ رہنے  کے لیے لازمی ماسک پہنیں، بلا ضرورت مارکیٹوں اور بازاروں میں جانے سے گریز کریں اور ماسک کو اپنی زندگی کا حصہ بنائیں۔

عثمان بزدارنےاپنے بیان میں ہدایت کرتے ہوئے کہا کہ کورونا کی حالیہ لہرکے پیش نظر شہری مزید احتیاط کریں ۔

وزیر اعلیٰ پنجاب  نے مزید کہا کہ ایس او پیز پرعمل کرنا شہریوں کے مفاد میں ہےاور عوام کی زندگیوں کے تحفظ  کے لیے ہر ضروری اقدام اٹھایا جائے گا۔