پنجاب میں کورونا کے تشویشناک پھیلاؤ کے پیش نظر لاہور میں ہیلتھ ایمرجنسی نافذ کردی گئی۔

تفصیلات کے مطابق لاہور میں کورونا کیسز میں تشویشناک اضافہ کے بعد محکمہ صحت نے ہیلتھ ایمرجنسی نافذ کرنے کیلئے مراسلہ بھی جاری کر دیا ہے۔

محکمہ صحت پنجاب نے لاہور کے تمام اسپتالوں کے ایم ایس صاحبان کو الرٹ کرتے ہوئے دفاتر کو 24 گھنٹے کھلے رکھنے کی ہدایت کر دی۔

مراسلے میں کہا گیا کہ لاہور میں تمام اسپتالوں کے انتظامی دفاتر پورا ہفتہ کھلے رہیں گے۔

دوسری جانب محکمہ اسپیشلائزڈ ہیلتھ کیئر اینڈ میڈیکل ایجوکیشن کے ضروری عملہ کی ہفتہ، اتوار کی چھٹی بھی منسوخ کر دی گئی ہے۔