سیکرٹری جنرل پیپلز پارٹی نیر بخاری نے کہا ہے کہ نالائق کپتان اور نااہل ٹیم بوکھلاہٹ اور گھبراہٹ کا شکار ہے۔

 تفصیلات کے مطابق سیکرٹری جنرل پیپلز پارٹی نیر بخاری نے اپنے ایک اہم بیان میں کہا کہ پیپلز پارٹی سپریم کورٹ فیصلے کو آئین کی فتح سمجھتی ہے۔

نیر بخاری نے کہا کہ ملک ذاتی خواہشات کی تکمیل پر نہیں آئین اور قانون کے تحت چلتے ہیں۔

سیکرٹری جنرل پیپلز پارٹی نے یہ بھی کہا کہ حکومت کی بدحواسیاں سینٹ انتخابات میں شکست کی گواہی ہیں جبکہ ریفرنس مسترد ہونے کے بعد صدر مملکت اور وزیراعظم اپنے عہدوں پر برقرار رہنے کا جواز کھو بیٹھے ہیں۔

نیر بخاری کا کہنا تھا کہ سپریم کورٹ کے فیصلے نے حکومت کی انتخابات آئینی طریقے سے نہ کرانے کی حکومتی خواہش پر پانی پھیر دیا ہے۔

سیکرٹری جنرل پیپلز پارٹی نیر بخاری کا مزید کہنا تھا کہ پی ڈی ایم تمام اراکین آزاد اور سرکاری جماعت کے اراکین اختیار اور اقتدار کے حصار میں ہیں۔