وزیر اعظم عمران خان نے وفاقی کابینہ میں تبدیلی کا فیصلہ کرلیا ہے۔

ذرائع کے مطابق وزیر اعظم عمران خان چند روز میں کابینہ میں ردوبدل کرینگے۔

ذرائع کا کہنا ہے کہ وزیراعظم وزارت اطلاعات میں تبدیلی کےخواہشمند ہے جبکہ دوبارہ سینیٹر بننے کے باعث شبلی فراز کا دوبارہ نوٹیفکیشن تاحال جاری نہیں ہوسکا۔

ذرائع کا یہ بھی کہنا ہے کہ نو منتخب سینیٹرز کی بھی کابینہ میں شمولیت متوقع ہے جبکہ فیصل واڈا کو دوبارہ کابینہ میں شامل کئے جانے اور بیرسٹر علی ظفر سمیت دیگر رہنماؤں کو اہم زمہ داریاں ملنے کا بھی امکان ہے۔

ذرائع کا مزید کہنا ہے کہ کابینہ ممبران کے قلمدان تبدیل ہونے کا امکان ہے جبکہ وزیر اعظم عمران خان وزراء کی کارکردگی پر کابینہ میں ردوبدل کرینگے۔