پاکستان شوبز انڈسٹری کی سابقہ اداکارہ عائشہ خان کی بیٹی کے ساتھ خوبصورت تصویر سوشل میڈیا پر وائرل ہو گئی۔

 اداکارہ عائشہ خان نے اپنی حالیہ انسٹاگرام اسٹوری میں بیٹی کے ہمراہ ایک تصویر جاری کی جس میں کہا کہ بہار ایک بار پھر چمک اٹھی ہے۔

مزید پڑھیں

عائشہ خان کی فیملی فوٹو انٹرنیٹ پر مقبول ہوگئی

پاکستان شوبز انڈسٹری کی اداکارہ عائشہ خان کی فیملی فوٹو انٹرنیٹ پر...

اداکارہ کا کہنا ہے کہ ان کی زندگی میں بیٹی ماہ نور کے ساتھ بہار بھی آگئی ہے۔

انہوں نے کہا کہ ماہ نور کو لال رنگ بہت پسند ہے، کہیں بھی جانا ہو ماہ نور کیلئے لال رنگ کا انتخاب لازم و ملزوم ہے۔

واضح رہے کہ 15 اپریل 2018 کو عائشہ خان اور میجر عقبہ ایک سادہ مگر پروقار تقریب میں شادی کے بندھن میں بندھے تھے۔

اُن کے ہاں نومبر 2019 کو 12 ربیع الاول کے دن بیٹی کی پیدائش ہوئی تھی جس کا نام اُنہوں نے ’ماہ نور‘ رکھا۔

عائشہ خان نے 19برس قبل یعنی 2000 میں پاکستان کی میڈیا انڈسٹری میں قدم رکھا اور کئی کامیاب ڈراموں میں اداکاری کے جوہر دکھائے۔

اداکارہ نے 18 سال کے کامیاب میڈیا کیریئر کے بعد میڈیا انڈسٹری کو چھوڑنے کا فیصلہ کیا تھا جس کا اعلان انہوں نے سوشل میڈیا پر کیا تھا۔