پی ڈی ایم کے سربراہ مولانا فضل الرحمان نے کہا ہے کہ جعلی اور سلیکٹڈ حکمرانوں کے دن گنے جاچکے ہیں۔

تفصیلات کے مطابق پی ڈی ایم سربراہ مولانا فضل الرحمان نے نیب کی جانب سے مریم نواز کی ضمانت کی منسوخی کی درخواست پر رد عمل دیتے ہوئے کہا کہ مریم نواز کی ضمانت منسوخ کرانے کی درخواست کے بظاہر کوئی قانونی اور ٹھوس وجوہات نظر نہیں آرہیں۔

مولانا فضل الرحمان نے کہا کہ جعلی حکمران اپوزیشن رہنماؤں کو انتقام کا نشانہ بنا کر اپنی نااہلی کو چھپانا چاہتے ہیں۔

پی ڈی ایم کے سربراہ کا کہنا تھا کہ نیب کی طرح عدالتوں کو بھی سیاسی بنیادوں پر چلانا ایک گھناؤنی سازش ہے، جس کی شدید مذمت کرتے ہیں۔

مولانا فضل الرحمان کا یہ بھی کہنا تھا کہ نیب کا ادارہ جعلی اور سلیکٹڈ حکمرانوں کا کٹھ پتلی اور آلہ کار بنا ہوا ہے لیکن نیب کی انتقامی کارروائیاں جعلی حکومت کے اقتدار کو نہیں بچا سکتیں۔

پی ڈی ایم کے سربراہ مولانا فضل الرحمان کا مزید کہنا تھا کہ جعلی اور سلیکٹڈ حکمرانوں کے دن گنے جاچکے ہیں، کٹھ پتلی حکمران 26 مارچ کے لانگ مارچ سے گھبراکر نیب کو سیاسی ہتھیار کے طور پر استعمال کر رہے ہیں۔