معاون خصوصی برائے سیاسی ابلاغ ڈاکٹر شہباز گِل نے کہا ہے کہ عوامی مسائل سے کرپشن اتحاد کا کوئی لینا دینا نہیں۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے مولانا فضل الرحمان کے بیان پر ردعمل دیتے ہوئے کہا کہ مولانا کرپٹ موومنٹ کو دوبارہ اکٹھا کرنے کی ناکام کوشش میں ہیں۔

ڈاکٹر شہباز گِل نے کہا کہ پارلیمان کی بالادستی کے نعرے لگانے والوں نے کبھی پارلیمنٹ کو چلنے نہیں دیا۔

معاون خصوصی برائے سیاسی ابلاغ کا کہنا تھا کہ اپوزیشن نے متحد ہوکر تحریک انصاف کی حکومت کو ناکام کرنے کی مذموم کوشش کی جبکہ ہر معاملے میں کرپشن اتحاد نے وزیراعظم کو بلیک میل کر کے این آر او لینے کی کوشش کی۔

ڈاکٹر شہباز گِل کا یہ بھی کہنا تھا کہ ملکی مفاد کے کسی قانون سازی میں بھی اپوزیشن کا کردار نہیں رہا جبکہ کبھی ایک کبھی دوسرے کے پاؤں پکڑنے سے کچھ حاصل نہیں ہونا۔

معاون خصوصی برائے سیاسی ابلاغ ڈاکٹر شہباز گِل کا مزید کہنا تھا کہ مولانا اور کیلبری کوئین کی ملاقات میں روٹھوں کو منانے کی حکمت عملی پر بات ہوئی جبکہ انکے جسلے اور لانگ مارچ این آر او حاصل کرنے کی ناکام کوشش ہیں۔