وزیراعظم عمران خان نے ایئر مارشل ظہیر احمد بابر کو پاک فضائیہ کے نئے سربراہ مقرر کردیا گیا ہے۔

تفصیلات کے مطابق ترجمان وزیراعظم کا کہنا ہے کہ ایئر مارشل ظہیر احمد بابر کو ائیر چیف مارشل مجاہد انور کی جگہ ایئر چیف مقرر کیا گیا ہے۔

ترجمان وزیراعظم کا مزید کہنا ہے کہ ایئر مارشل کو آئر چیف مارشل کے عہدے پر ترقی دی جائے گی۔

ائیر مارشل ظہیر احمد بابر نے اپریل1986 میں پاکستان ائیر فورس کی جی ڈی پی برانچ میں کمیشن حاصل کیا۔

اپنے کیرئیر کے دوران انہوں نے فائٹر اسکواڈرن، آپریشنل ائیر بیس اور ریجنل ائیر کمانڈ کی کمان کی۔ وہ ائیر ہیڈ کوارٹرز میں اسسٹنٹ چیف آف ائیر اسٹاف (آپریشن ریسرچ اینڈ ڈیویلپمنٹ )، اسسٹنٹ چیف آف ائیر اسٹاف (ٹریننگ آفیسرز) اور ڈائریکٹر جنرل پراجیکٹس تعینات رہے۔

اس کے علاوہ ائیر مارشل ظہیر احمد بابر وزارت دفاع میں ایڈیشنل سیکریٹری کے طور پر بھی خدمات سر انجام دے چکے ہیں۔