لندن اور برلن میں عوام نے لاک ڈاؤن کے خلاف باقاعدہ احتجاج شروع کر دیا ہے۔

خبر رساں ادارے کے مطابق برطانیہ اور جرمنی کے عوام کورونا وائرس کی وبا پر قابو پانے کے لئے لاک ڈاؤن کے نفاذ کو مزید قبول کرنے لیے تیار نہیں ہے۔

وسطی لندن میں لاک ڈاؤن کے خلاف ہزاروں شرکا ہائیڈ پارک کارنر سے ویسٹ منسٹر کی طرف روانہ ہو گئے ہیں۔

احتجاج کے شرکا فریڈم فریڈم کے نعرے لگا رہے ہیں،حتجاج کی وجہ سے وسطی لندن کی ٹریفک شدید متاثر ہو گئی جبکہ پولیس کی بھاری نفری بھی شرکا کے ساتھ ساتھ چل رہی ہے۔

مظاہرین کے ساتھ مذاکرات کے بعد پولیس نے پکڑ دھکڑ بھی شروع کر دی جس پرجھڑپیں ہونے لگی ہیں۔

دوسری جانب جرمنی کے شہر برلن میں بھی لاک ڈاؤن اقدامات کے خلاف احتجاج شروع ہو چکا ہے،جو پُر تشدد رخ اختیار کر گیا، اور مظاہرین اور پولیس کے درمیان جھڑپیں ہونے لگی ہیں۔