سندھ ہائی کورٹ کےاحکامات اورمقدمات کے باوجود عوامی نمائندوں اورمیونسپل اداروں کو ہوش نہ آیا حیدرآباد میں سگ گزیدگی کے واقعات نےعوام کوخوف میں مبتلا کردیا ہے۔

تفصیلات کے مطابق حیدرآباد کی شاہراہیں اورمحلے رات کے اوقات میں سفرکرنے والوں کے لئےغیر محفوظ ہوتی جارہی ہیں کہیں ڈاکوؤں کا خوف ہے توکہیں کتوں کے حملوں کا ڈرمگر انتظامیہ ہے کہ ہاتھ پرہاتھ دھرے بیٹھی ہے ۔

حیدرآباد میں میونسپل کارپوریشن کی لاپرواہی اورغفلت کا یہ عالم ہے کہ کتا مارمہم کے لئے چھ ماہ تک میونسپل کمشنر نے زہرکی کوئی خریداری نہیں کی رواں سال میں اب تک ایک بچی جاں بحق اور 1213 بچےاوربڑے کتوں کا نشانہ بن چکے ہیں۔

بچوں سمیت اتنی بڑی تعداد میں لوگوں کے نشانہ بننے پرمارچ میں زہرکی خریداری عمل میں لائی گئی اوراب تک دو ہزارکے قریب کتے مارے جاچکے ہیں۔