پاکستان شوبز انڈسٹری کے اداکار ہمایوں سعید نے ڈرامہ نویس اور مکالمہ نگارحسینہ معین کی وفات پر اظہار افسوس کیا۔

ہمایوں سعید نے سوشل میڈیا پر جاری پیغام میں کہا کہ ہماری ڈرامہ انڈسٹری میں حسینہ آپا کی انمول شراکت نے بہت سوں کے لئے راہ ہموار کرنے میں مدد کی ہے۔

مزید پڑھیں

امریکہ، فلاڈیلفیا کے ایک بار میں فائرنگ، ہلاکت کی متضاد اطلاعات

غیر ملکی میڈیا کے مطابق امریکی ریاست فلاڈیلفیا کے علاقے کنسنگٹن میں...

نامور ڈرامہ و ناول نگار حسینہ معین انتقال کر گئیں

پاکستان کی نامور ڈرامہ وناول نگار حسینہ معین انتقال کر گئیں ہیں۔...

إِنَّا لِلّهِ وَإِنَّـا إِلَيْهِ رَاجِعُونَ

Advertisement

Haseena apa's invaluable contribution to our drama industry helped pave the way for many. Not only was she a great writer but a woman of great strength who continued to mentor us till her last breath. May she rest in eternal peace pic.twitter.com/fJIIJ38jYL

— Humayun Saeed (@iamhumayunsaeed) March 26, 2021

فلم اسٹار ہمایوں سعید نے کہا کہ حسینہ آپا آخری سانس تک ہماری سرپرست رہیں۔

انہوں نے کہا کہ ’وہ ناصرف ایک عظیم مصنفہ تھیں بلکہ ایک نڈر اور طاقتور خاتون تھیں جو اپنی آخری سانس تک ہماری سرپرستی کرتی رہیں۔‘

واضح رہے کہ معروف ڈرامہ نویس، مصنفہ اور مکالمہ نگار حسینہ معین 79 برس کی عمر میں حرکت قلب بند ہونے سے انتقال کرگئیں۔

ڈرامہ نگار حسینہ معین کے بھتیجے سعید نے بتایا تھا کہ حسینہ معین لاہور جانے کے لیے تیار ہو رہی تھیں کہ اچانک دل کا دورہ پڑا۔

حسینہ معین طویل عرصے سے کینسر کے مرض میں بھی مبتلا تھیں۔

حسینہ معین کی نماز جنازہ آج بعد نمازِ عصر نارتھ ناظم آباد بلاک آئی میں ادا کی گئی۔

ڈرامہ نگار حسینہ معین 20 نومبر1941ء کو بھارت کے شہر کانپور میں پیدا ہوئیں، انہوں نے ابتدائی تعلیم کانپور سے حاصل کی۔

پی ٹی وی کی مقبول ترین ڈرامہ نویس کا اعزاز اپنے نام کرنے والی حسینہ معین نے جامعہ کراچی سے 1963 میں تاریخ میں ماسٹرزکیا۔

حسینہ معین نے پی ٹی وی کے لیے بہت سے یادگار ڈرامے لکھے جن میں شہزوری، زیر زبر پیش، انکل عرفی، ان کہی، تنہائیاں، دھوپ کنارے، دھند، آہٹ، کہر، پڑوسی، آنسو، بندش، آئینہ شامل ہیں۔

حسینہ معین کی لکھی ہوئی پاکستانی فلموں میں پہلی فلم ’یہاں سے وہاں تک‘ تھی جس میں وحید مراد نے مرکزی کردار نبھایا تھا۔

حسینہ معین نے معروف بھارتی اداکار اور پروڈیوسر ’راج کپور‘ کی خواہش پر ان کی فلم ’حنا‘ کے لیے مکالمے تحریرکیے جس میں زیبا بختیار نے بھی اداکاری کے جوہر دکھائے تھے۔

واضح رہے کہ حکومت پاکستان کی طرف سے انہیں صدارتی اعزاز برائے حسن کارکردگی بھی دیا گیا۔