معاون خصوصی برائے سیاسی ابلاغ ڈاکٹر شہبازگِل نے کہا کہ چیئرمین بننے کے خواب دیکھنے والے احمقوں کی جنت میں رہتے ہیں۔

تفصیلات کے مطابق معاون خصوصی برائے سیاسی ابلاغ ڈاکٹرشہبازگِل نےبلاول بھٹوزرداری کے بیان پرردعمل کرتے ہوئے کہا کہ بڑی چالاکی سے پہلے سرٹیفائیڈ ہار چورکو امیدوار بنا کرپیش کیا گیا جبکہ چیئرمین سینیٹ بننے کی خواہش “ہزاروں خواہشیں ایسی کہ ہرخواہش پہ دم نکلے” کہ سوا کچھ نہیں ہے۔

شہباز گِل نے کہا کہ چیئرمین کے خواب چکنا چور ہونے کے بعد قائد حزب اختلاف بننے پراکتفا کرلیا گیا اورپھرآئینی اقدار کو پسِ پشت ڈال کردھاندلی کے ریکارڈ بنائے گئے۔

انہوں نے یہ بھی کہا کہ سندھ پرمسلط ڈکیتی کے ماہروں نے سینیٹ الیکشنز میں بھی نقب لگائی ہے۔

شہباز گِل کا کہنا تھا کہ اڑھائی سال تک قومی مفادات کی قانون سازی میں رکاوٹ بن کرپارلیمانی روایات پربھی دھبہ لگایا گیا۔

معاون خصوصی برائے سیاسی ابلاغ ڈاکٹر شہبازگِل کا مزید کہنا تھا کہ پیپلز پارٹی کے پاس عوامی خدمت کا نہیں بلکہ زرداری کی کرپشن کو بچانے کا منشور ہے۔