حکومت نے پیٹرولیم مصنوعات کی قیمتوں میں اضافہ کردیا۔

تفصیلات کے مطابق حکومت نے پیٹرولیم مصنوعات کی قیمتوں میں اضافہ کردیا جبکہ پیٹرول اور ہائی اسپیڈ ڈیزل کی قیمتیں برقرار رکھنے کا فیصلہ کیا ہے، قیمتوں کا اطلاق آج رات 12 بجے سے ہوگا۔

وزارت خزانہ کی جانب سے جاری بیان میں کہا گیا ہے کہ مٹی کا  تیل 3 روپے 42 پیسے اور لائٹ ڈیزل کی قیمت میں 2 روپے 19 پیسہ اضافہ کیا گیا ہے جبکہ پیٹرول کی فی لیٹر اور ہائی اسپیڈ ڈیزل کی فی لیٹر قیمت میں کوئی اضافہ نہیں کیا گیا۔

بیان میں کہا گیا ہے کہ پٹرول کی قیمت 111 روپے 90 پیسے فی لیٹر برقرار رہے گی، جب کہ ہائی اسپیڈ ڈیزل حسب معمول 116 روپے 8 پیسے فی لیٹر فروخت ہوگا۔

 بیان میں یہ بھی کہا گیا ہے کہ مٹی کے تیل کی فی لیٹر قیمت میں 3 روپے 42 پیسے اضافہ کیا گیا جس کے بعد مٹی کے تیل کی نئی قیمت 83 روپے 61 ہوگی۔

وزارت خزانہ کی جانب سے جاری بیان میں مزید کہا گیا ہے کہ لائٹ ڈیزل کی فی لیٹر قیمت میں 2 روپے 19 پیسے اضافہ ہوا جس کے بعد لائٹ ڈیزل کی فی لیٹر نئی قیمت 81 روپے 42 پیسے ہو گئی ہے۔