صادق سنجرانی نے کہا ہے کہ اپوزیشن الیکشن میں شکست تسلیم کرے۔

چیئرمین سینیٹ صادق سنجرانی نے کہا ہے کہ اپوزیشن الیکشن میں شکست تسلیم کرے۔

تفصیلات کے مطابق چیئرمین سینیٹ کے انتخاب میں کامیابی کے بعد صادق سنجرانی نے اپنے بیان میں کہا کہ میرٕے دروازے سب کیلیے کھلے ہیں۔

صادق سنجرانی نے کہا کہ بلوچستان اور فاٹا کی نمایندگی دینے پر وزیراعظم کے مشکور ہیں۔

صادق سنجرانی نے مزید کہا کہ بطور چییرمین سینیٹ غیر جانبدار رہ کر آئندہ بھی کام کروں گا۔

خیال رہے کہ حکومتی امیدوار صادق سنجرانی دوبارہ چیئرمین سینیٹ منتخب ہوگئے۔

سابق چیئرمین سینیٹ و حکومتی امیدوار صادق سنجرانی مسلسل دوسری بار چیئرمین سینیٹ منتخب ہوئے ہیں۔

چیئرمین سینیٹ کے عہدے کے لیے حکومتی اتحاد کی جانب سے صادق سنجرانی کا مقابلہ پی ڈی ایم کے مشترکہ امیدوار یوسف رضا گیلانی کے ساتھ ہوا۔

ووٹنگ کے دوران سینیٹ کے 100 میں سے 98 ارکان نے اپنا حق رائے دہی استعمال کیا۔ صادق سنجرانی نے 48 جبکہ یوسف رضاگیلانی نے 42 ووٹ حاصل کیے۔

پی ڈی ایم کے امید وار یوسف رضا گیلانی کے سات ووٹ جبکہ صادق سنجرانی کے ایک ووٹ پراعتراض ہوا۔