امیرجماعت اسلامی سراج الحق نے کہا کہ ریاست کا کام پناہ گاہ بنانا نہیں بلکہ عوام کو چھت اور روزگارفراہم کرنا ہے۔

تفصیلات کے مطابق امیرجماعت اسلامی سراج الحق نے اپنے ایک بیان میں کہا کہ مسلسل لوٹوں اور نوٹوں کی بارشوں سے ہمارا سیاسی نظام بوسیدہ ہوچکا ہے جبکہ ملک میں اسلامی نظام کے نفاذ کی خواہش رکھنے والوں کی واضح اکثریت ہے۔

سراج الحق کا کہنا ہے کہ نظریہ پاکستان پرچلتے ہوئے ہم نظریہ ضرورت کوشکست دیں گے بس قوم معاشرے میں اصلاح اورظالم طبقات سے نجات کے لیے جماعت اسلامی کاساتھ دے۔

امیرجماعت اسلامی کا کہنا ہے کہا کہ الخدمت فاﺅنڈیشن کی ملک بھرمیں فلاحی سرگرمیاں قابل تعریف ہیں، سیلاب ، زلزلہ ، یا کمزور طبقات کی مدد کا معاملہ ہوتوالخدمت فاﺅنڈیشن خدمت کے لیے تیار ہوتی ہے۔

سراج الحق کا یہ بھی کہنا ہے کہ عوام کا ہماری طرف رجوع،دراصل اللہ کے نظام کی پسندیدگی کا اظہار ہے بس قوم بے خوف ہو کر حق اورسچ کا ساتھ دے۔

امیرجماعت اسلامی سراج الحق کا مزید کہنا تھا کہ جماعت اسلامی اوراس کی برادرتنظیمات محدود وسائل کے باوجود قوم کی خدمت کررہی ہی۔