پاکستان شوبز انڈسٹری کی سینئر اداکارہ سکینہ سموں نے گلوکار علی ظفر اور اداکارہ ریشم کو صدارتی اعزاز ملنے پر برہمی کا اظہار کیا ہے۔

حال ہی میں دیے جانے والے انٹرویو میں سکینہ سموں نے گفتگو کرتے ہوئے صدارتی ایوارڈز پر اظہارِ خیال کیا۔

مزید پڑھیں

علی ظفر، ریشم اور ہمایوں سعید سمیت فنکاروں کے لیے قومی اعزازات

یومِ پاکستان کے موقعے پر فن و ادب اور شوبز سے تعلق...

  اداکارہ نے کہا کہ ’مجھے صدارتی اعزاز حاصل کرنے کے مقام تک پہنچنے کے لیے 40 سال لگے۔

انہوں نے کہا کہ مجھے یہ دیکھ کر بہت افسوس ہوا کہ حکومت پاکستان نے علی ظفر اور ریشم جیسے فنکاروں کو اتنے بڑے صدارتی اعزاز سے نوازا۔‘

سکینہ سموں نے کہا کہ ’میری نظر میں علی ظفر اور ریشم صدارتی اعزاز حاصل کرنے کے حقدار نہیں۔‘

اداکارہ نے مزید کہا کہ ’میرے خیال میں صدارتی تمغہ برائے حُسنِ کارکردگی کا انتخاب آج کل اس قدر آسان ہوگیا ہے کہ اس کے نتیجے میں کئی ایسی شخصیات کو نظر انداز کیا جارہا ہے جو اپنی تمام زندگی شوبز میں وقف کرچکی ہیں۔‘

واضح رہے کہ گزشتہ دنوں یوم پاکستان 23 مارچ کے روز حکومت پاکستان کی جانب سے مختلف شعبوں میں نمایاں کارکردگی کی حامل شخصیات کو سول اور صدارتی ایوارڈز سے نوازا گیا تھا۔